【Emily】工黨換屆 郭永健續任主席
[2019.12.16] 發表
【明報專訊】工黨噚日舉行周年黨員大會兼亦黨內改選，結果來屆繼續由郭永健做主席，副主席就分別係東區區議員麥德正(黨務)、立法會前議員李卓人(外務)同埋現時擔任民陣副召集人嘅黎恩灝(政策研究)。工黨話未來會同職工盟緊密合作，協助組織工會及籌備罷工等。
工黨新一屆執委有15人，其中6個係現任同候任區議員。今年工黨派出7個人去選區議會，全部當選。黨主席郭永健話，工黨會繼續為勞工基層弱勢發聲，爭取社會公義，支持在囚抗爭者，要求成立獨立調查委員會徹查警暴，以及爭取土地房屋公義分配等。另外，未來亦會繼續貢獻社區同議會，並會同民間團體同社區有更緊密連繫，並會與職工盟緊密合作，與工人同行，實現民主、公義、永續、團結。
更多港聞
【Emily】教聯會員3.5萬 主席：反映認同
【明報專訊】教聯會上周六（14日）舉行咗第45次會員大會，會上主席黃錦良報喜，話今年嘅會務有唔少突破，會員人數亦取得長足增長，已接近35,0... 詳情
相關新聞
