【Emily】田北辰不點名斥光頭警長造謠分化
[2019.11.28] 發表
【明報專訊】綽號「光頭警長」嘅警署警長劉澤基，喺反修例風波中成為內地「網紅」，開設微博戶口後多次點評時政，日前佢又發帖講嘢，仲誤以為區選有160萬「廢票」，搞到政府要澄清。立法會議員田北辰似乎都幾不滿，噚日立法會對公務員事務局長羅智光作口頭質詢時，佢不點名指有公務員批評政府官員、「增加兩地矛盾」，仲問羅智光「你點忍呀？」
問羅智光「你點忍？」
話說立法會噚日就公務員宣誓事宜作口頭質詢，田北辰不點名指有公務員公開喺內地微博批評政府官員、增加兩地矛盾，以及造謠話選舉有一半廢票、導致政府要澄清，甚至喺帖文話「林鄭我無法繼續支持她(Emily翻查，此話應是微博網民留言)」。田北辰對此似乎相當不滿，強調林太係「佢(劉澤基)大老闆嚟㗎」，質疑羅智光知唔知呢件事，「呢個case，你點忍呀？」羅智光回應時就話，如果有任何行為懷疑違紀、違規，會由有關部門嘅管理當局跟進，又話不評論個別紀律事件，強調有機制、程序處理。
劉澤基近期論政言論相當惹火，如日前喺微博質疑區選有160萬票唔知去咗邊、話有57%廢票，政府其後急急澄清，叫大家唔好亂製造謠言。
更多港聞
【Emily】卸任主席 梁智仁寄語接任者多聆聽前線
【明報專訊】現年77歲嘅醫院管理局主席梁智仁將於11月底卸任，由中信泰富前董事總經理范鴻齡接任。梁智仁喺前線服務公營醫療38年，做過公開大學... 詳情
【明報專訊】民主派喺區選中取得85%議席，好多民主派候任區議員都明言會撥出資源支持抗爭者，例如大家都話會招聘「手足」出任議員助理，公民黨同新...
詳情
【明報專訊】民建聯立法會議員蔣麗芸（Ann姐）繼「Ann姐聆聽會」同後生仔傾吓偈之後，又有新搞作。Ann姐話市民認為今次區議會選舉不公嘅聲明...
詳情
內地院校招DSE生 再多11間總數122 增北京電影學院體育大學等
【明報專訊】國家教育部公布明年（2020年）內地高校招收香港中學文憑考試學生計劃（前稱內地部分高校免試招收香港學生計劃）安排，新一年增加11... 詳情
網上調查：催淚煙引發咳嗽痕癢 逾半家長稱子女中招
【明報專訊】反修例風波中，香港多區爆發衝突，警方施放催淚彈驅散，不少家長憂慮催淚煙影響子女健康。民間組織「香港媽媽反送中」就催淚煙對未成年子... 詳情相關新聞
