【Emily】林鄭評分19.5又新低 管治班子支持淨值全見紅
[2019.11.13] 發表
【明報專訊】香港民意研究所噚日發表最新特首及司局長民望數字，整個問責班子嘅支持率淨值首次全部負數。官員民望可以話低處未算低，特首林鄭月娥嘅最新評分係19.5分，再現佢上任以嚟、歷屆特首嘅新低，比10月中嘅評分跌0.8分，支持率淨值為負71個百分點。
陳肇始支持率大跌 李家超包尾
13個局長方面，對比上次9月30至10月3日嘅調查，教育局長楊潤雄支持率淨值微升兩個百分點，其餘12人嘅支持率淨值都下跌，環境局長黃錦星、食衛局長陳肇始上次調查時支持率淨值仍係正數，但前者今次跌6個百分點，至負4；後者大跌20個百分點至負10。
民調喺10月底至11月初以隨機抽樣電話訪問形式，分別就「特首及司長民望」和「局長民望」訪問咗1016名同510名市民。局長中楊潤雄民望微升，但其支持率淨值為負48，排喺尾三。民望排第五嘅勞福局長羅致光、排包尾嘅保安局長李家超，民望淨值均下跌10個百分點，分別至負15和負63，李家超係民望最低局長。政制及內地事務局長聶德權嘅民望淨值亦大跌12個百分點至負38，排尾五。
鄭若驊評分14.1 3司最差
3個司長方面，律政司長鄭若驊評分14.1分，民望淨值係負68，繼續包尾；政務司長張建宗最新評分係28.1分，民望淨值負29；財政司長陳茂波評分為27.2分，民望淨值負40，較上次上升兩個百分點。張建宗嘅評分、民望淨值，同鄭若驊嘅評分均錄得上任以來新低。
更多港聞
【Emily】現身灣仔示威 曾俊華：教完劍經過
【明報專訊】喺2017年同林鄭月娥爭特首寶座嘅前財政司長曾俊華，噚日聯同多名前高官等逾百人聯署登報，要求政府確保區選順利舉行。佢噚日出席港台... 詳情
【明報專訊】於8月2日發起公務員集會嘅公務員顏武周等人早前成立「新公務員工會」，呢排招攬緊成員加入。工會噚日發信畀特首林鄭月娥及公務員事務局...
詳情
【明報專訊】澳門特首崔世安噚日介紹2020年財政年度預算安排，呢個係佢卸任前最後一份功課，佢建議繼續實行現金分享計劃，向澳門永久居民派發1萬...
詳情
【明報專訊】政府宣布今年嘅年宵市場無乾貨攤位，另一邊廂，食環署噚日公布2020年車公誕市場攤位喺下周三（20日）公開競投。車公誕市場攤位係設...
詳情
【Emily】黃錦星去頒獎禮 同沈祖堯開心合照
【明報專訊】過去數月社區不時爆發嚴重衝突，無論咩立場嘅市民恐怕都唔會開心。不過政府表明唔會停擺，環境局長黃錦星（左二）過去呢幾個月亦出席不同... 詳情相關新聞
