【Emily】怒轟陳帆「Delay No More」 石禮謙：唔係講粗口
[2019.10.17] 發表
【明報專訊】《施政報告》除咗泛民不滿，部分建制派亦一肚氣，其中地產及建造界議員、經民聯石禮謙噚日回應時「爆seed」，怒斥多個鐵路基建不斷超支同延誤，成日要問立法會拎錢，點名怒轟運輸及房屋局長陳帆「Delay No More」(不能再延遲)。佢非常不滿政府就空置稅向地產商開刀，認為政治問題應該用政治方式解決，而唔係用房屋解決。
「佢做過啲咩」
斥不斷超支拎錢
被問到政府放寬按揭，石禮謙用英文回應時批評政府以為自己咩都識，仲點名怒轟陳帆「what has he done (佢做過啲咩)」，斥多個鐵路基建包括高鐵、沙中線都不斷超支同工程延誤，仲成日問立法會拎錢，「delay delay delay delay no more, I am not swearing (延誤、延誤、延誤，唔可以再延誤，我唔係講粗口)」。
另一邊廂，刑滿出獄嘅社會福利界立法會議員邵家臻喺記招發言時唔記得開咪，佢自嘲坐監太耐，開咪都唔記得，跟住就批評特首林鄭月娥係「林鄭月訛」，每個月最少講一次大話，「仲係林鄭日訛，夜晚又訛、上晝又訛」。
緊隨其後發言嘅新民主同盟范國威都唔記得開咪，阿臻即刻抽水笑佢，「你又坐咗監呀？」，其他泛民都忍唔住笑。
更多港聞
【Emily】林鄭打破兩紀錄 2019施政報告回歸後最短
【明報專訊】特首林鄭月娥噚日透過影片宣讀《2019年施政報告》，只係用咗約52分鐘就讀完，Emily計計數，呢份《施政報告》長20頁，共有5... 詳情
【明報專訊】政府話要全面推動「走塑」文化，《2019年施政報告》寫要推「走塑」午膳先導計劃，政府消息人士話，計劃一方面搵十幾間中小學做現場派...
詳情
相關新聞
