【Emily】哈囉喂揭幕 劉鳴煒：優越票銷情增
[2019.09.20] 發表
【明報專訊】就快又到哈囉喂，「海洋公園哈囉喂全園祭2019」噚日揭幕，但反修例示威影響旅遊業，樂園噚日人流比較少，出現咗一個人「包起」一架海盜船嘅奇景。
昨海盜船一人「包起」
Emily喺樂園逛逛，發現其中9個景點及設施都因為要預備哈囉喂或例行安全檢查，暫時關閉；有開嘅設施都唔太需要排隊，下晝3點幾，海盜船得一個人玩。咁搞法，預計十一生意會點？海洋公園副主席劉鳴煒噚日喺開幕禮就話，公園推出咗哈囉喂早鳥優惠，優越門票嘅銷售比去年同期升咗兩成半。海洋公園行政總裁李繩宗就話，近期社會事件令遊客入園人數下滑。不過十一檔期比舊年會否真係少咗人，就未估計到。
Emily玩咗幾個鬼屋，覺得「H19：祭禮」最恐怖，事關要玩家蒙住眼行，然後會有恐怖觸感喺手臂上游走，一班行家緊緊捉住大家，玩到手汗都標晒！以舊屋邨為主題嘅「厲鬼邨•異點靈」就最畀到人熟悉嘅感覺，有幕入到電梯後困𨋢，漆黑之際，角落隱約出現一個白衣女子，熄燈後個女仔又消失咗！另外又有「紋身漢」揸住刀嚇遊客，睇見個心都離一離。
更多港聞
【Emily】陳德霖憶中大歲月 「圓嘅嘢都啱」
【明報專訊】陳德霖即將卸任金管局總裁，佢喺退休前為母校中文大學拍咗段短片，追憶學生時代嘅青葱歲月。陳德霖原來係體育健將，佢喺片中話大學時期「... 詳情
【明報專訊】反修例風波橫跨整暑假，開學後亦有學生發起罷課及人鏈活動。香港教育工作者聯會調查顯示，近半受訪校長認為校園氣氛受社會事件影響，逾四...
詳情
【明報專訊】家長下周一（23日）起可替明年9月讀小一的子女交「自行分配學位」申請表，教育局提醒家長必須填寫真確居住地址，倘被發現提供虛假住址...
詳情
相關新聞
