【Emily】被批亂點出口累示威者 趙家賢呼冤
[2019.08.13] 發表
【明報專訊】部分示威者前晚喺港鐵鰂魚涌站發現有防暴警察後，轉往太古站，但喺太古站C出口就遇到10至20名防暴警員衝入站拘捕示威者並近距離發射胡椒彈。有網民前晚喺連登討論區出post，話當時係民主黨太古城西區議員趙家賢叫示威者喺C出口走，質疑佢出賣示威者。
趙家賢噚日凌晨急急澄清，話當時係協助指引市民離開時，建議佢哋透過C出口(康怡)及E出口(太古城中心)離開，但市民選擇C出口上路面後，警方突然殺到，無差別攻擊在場市民。
從傳媒拍攝片段，C出口嘅警員喺約兩米內距離下，向示威者連續開槍發射胡椒彈，幾十名示威者被迫退到扶手電梯，險象環生。有連登仔批評，趙家賢搞到成班示威者走難咁，被警察捉咗十幾個兄弟，當時趙仲要話上面安全，示威者「多得佢唔少」。但亦有網民幫趙家賢口，話天文台報天氣都唔會100%準，又有人話𠵱家應該對準警方同政府，呢筆帳遲啲先算。
趙家賢話，自己喺連登「畀人搞」，強調自己對警察近距離開槍及用警棍瘋狂攻擊市民極度憤慨及遺憾。
更多港聞
【Emily】健康問題 元朗議員黃卓健退出新民黨
【明報專訊】新民黨元朗頌柏區議員黃卓健（圖）喺facebook宣布，因為健康問題退出新民黨，亦決定唔會參加11月區議會選舉競逐連任。佢係繼西... 詳情
【Emily】澄清假圖 譚耀宗：無講警誤射眼不足奇
【明報專訊】網上世界不時有假資訊，有時傳來傳去都未必咁易分到真假，民建聯噚日就澄清，話網上流傳一張有關該黨facebook專頁評論周日晚上眼... 詳情
相關新聞
