【Emily】隔海公僕集會 林鄭赴國慶酒會
[2019.08.03] 發表
【明報專訊】近日每當傳出特首林鄭月娥會現身嘅場合，都有示威者一早到場，過去多次活動，林太都喺最後一刻甩底，噚日有公務員喺中環發起集會，同一時間林太就現身尖沙嘴國慶活動。
九龍社團聯會噚晚喺文化中心大劇場舉辦慶祝國慶70周年酒會，示威者一早收到風林太會到場，齊齊喺度等佢，佢哋一見到林太就大嗌「釋放義士」、「林鄭可恥」同埋「下台」等口號。警察亦如臨大敵，噚晚淨係軍裝警察有差唔多50個，附近仲有唔少戴住「工作人員證」嘅便衣人員。
林太抵達現場同離開時，都有記者問佢幾時回應五大訴求、對公務員集會嘅取態、會唔會秋後算帳等，佢都只係面帶微笑，乜都無答，Emily只能目送佢離開。
更多港聞
【明報專訊】今個周三提堂、被控暴動罪嘅44人之中，包括一對將會喺聽日結婚嘅情侶，有網民擔心佢哋又要結婚又要打官司，就想喺佢哋個婚禮度擺低啲人...
詳情
相關新聞
