【Emily】兩監獄風扇壞 消暑靠手搖扇
[2019.08.02] 發表
【明報專訊】上個月一班民主派議員去信懲教署長，反映赤柱同壁屋監獄好多風扇都壞咗，但長期未有維修或更換，令在囚者長期汗流浹背，影響佢哋休息同健康，建議酌情容許在囚者使用手提小型電風扇或其他方法消暑。
懲教署助理署長(行動) 吳超覺前日就回信，話署方研究過引入手提電動風扇，但基於外殼同零件會對保安構成潛在風險，現階段唔會考慮引入畀在囚者使用，但較早前完成咗手搖扇嘅可行研究，上個月已經引入咗畀在囚者選購。
吳超覺話，赤柱同壁屋監獄現時分別安裝約1590部同350部風扇，如果署方發現有風扇損壞，會喺短時間安排維修；又話院所主管會根據「濕黑球溫度」監察器運算嘅熱壓力指數，決定喺炎熱天氣下，係咪繼續或取消在囚者擬定嘅活動。
更多港聞
【Emily】美食博覽15日開鑼 5000套餐具供借用
【明報專訊】一年一度嘅美食博覽喺今個月15號起，一連5日喺會展舉行。年年美食博覽都被批評製造太多即棄餐具垃圾，今年佢哋又會點應付？ 貿... 詳情
【明報專訊】旅遊發展局將於10月13日舉辦新一屆「新鴻基地產香港單車節」，今屆30公里同50公里組都各增加咗200個名額，又新增「繽紛型格單...
詳情
相關新聞
