【Emily】馬逢國讚李鵬 演藝校友會譴責

警方反對周六元朗遊行，有網民就呼籲喺遊行起點「悼念」日前去世嘅國務院前總理李鵬。（網上圖片）

【明報專訊】國務院前總理李鵬周一(22日)去世，佢當年處理六四嘅手法再受批評。身兼港區人大代表嘅體育、演藝、文化及出版界議員馬逢國就讚揚李鵬，喺六四時嘅困難時期，帶領中國喺各方發展；演藝學院校友會噚日出聲明「嚴厲譴責」馬逢國相關言論，要求佢辭去立法會議員一職、道歉同收回有關言論。

演藝學院校友會形容，1989年嘅六四事件係「中國共產黨政權以坦克、自動步槍等重型武器，肆意屠殺和平集會的學生與平民」，李鵬作為時任總理，雙手沾滿鮮血。聲明又話，馬逢國繼2014年發表質疑當年北京學生動機嘅言論後，再對李鵬處理六四手法給予正面評價，批評佢有悖天道常理，「為維護權貴顏臉而賤視百姓生命」。

校友會提醒馬逢國，藝術文化界最主要嘅社會功能之一，係記錄真相、促進反思，以追求「真、善、美」為己任；可惜佢「顛倒是非、泯滅人性！如此失德失職失能之人，還要僭居要職，無恥地以代議士的身分發表『偉論』」。

更多港聞

【Emily】「好市民」：我未怕壞人 警察有槍都驚?

【明報專訊】元朗周日（21日）發生白衣人襲擊市民事件，警方喺接報後逾半個鐘先有支援隊伍到場，其間有兩名軍裝警員喺現場，但聲稱因為無足夠裝備、... 詳情

【Emily】612基金支援元朗義載車維修費

【明報專訊】6月12日金鐘發生警民衝突後，「612人道支援基金」成立，為所有參與反修例運動而受傷、被捕或相關人等提供人道支援。基金噚日喺fa... 詳情

【Emily】立會保安主管被指批議員搞事 秘書處：沒職員對議員表不滿

【明報專訊】立法會秘書處每年休會期間都為職員舉辦培訓課程，秘書處噚日早上舉行培訓課堂，不過近期社會氣氛緊張，有消息人士向Emily指稱，曾任... 詳情