軟餐食譜出書 長者可食「大騸雞」

有安老服務機構推出長者軟餐食譜，其中有一道係「大騸雞」，將雞髀肉打碎，加入日本酵素凝固，再喺面鋪上雞蛋當雞皮，再切件就完成。（高卓怡攝）

食譜中另一道軟餐名為「欖角蒸鯇魚腩」，先將魚塊同欖角分別調味後再蒸，加入日本酵素後攪拌，待凝固後放入魚狀同欖角狀模具，倒出上碟。（高卓怡攝）

【明報專訊】唔少老友記因為吞嚥困難，只可以食「糊仔」，啲食物望落都唔太開胃。近年有社福機構推廣色香味俱全嘅長者「軟食」，明愛安老服務機構噚日開《美食無限耆》新書發布會，介紹10款軟餐食譜，包括傳統中菜如「大騸雞」、梅菜扣肉、琵琶豆腐等，望落都令人食指大動！

Emily試食「大騸雞」，除咗口感唔同、軟滑啲之外，味道同一般嘅差不多，明愛註冊社工、高級督導主任敖巧兒話啲菜式全部來自院友「熟悉嘅懷舊味道」，仲話希望有社區照顧者可以照食譜煮番兩味畀家中老友記，「以往嘅糊餐好多都係打碎菜肉飯撈埋，長者見到未必想食。我哋希望有軟餐食譜，就算佢哋咬唔到啲食物，都一樣歎到美食」。食譜暫未公開發售，有興趣買嘅不妨向明愛查詢。

咁軟餐難唔難煮？Emily向明愛安老中心嘅廚師阿良偷師，阿良話部分菜式烹調及食材簡單，以「大騸雞」為例，只係將雞髀肉打碎，加入日本酵素凝固，再喺上面鋪雞蛋當雞皮，切件搞掂。Emily所見，有人帶埋外傭姐姐話嚟「學藝」，好開心以後可以有多幾款菜式畀長者食。

更多港聞

區選社區主任撞區 義工倡抽籤定人選

【明報專訊】區議會選舉11月底舉行，有意競逐者都積極做地區工作，不過如果有社區主任「撞區」，協調都要花一番心力。Emily聽聞，「九龍角落」... 詳情

涂謹申倡張炳良李國能入行會

【明報專訊】反修例風波未息，已引伸到市民關注政府管治問題。民主黨立法會議員涂謹申噚日就話，現時大部分行政會議成員都冇公信力，政府應該大幅度改... 詳情

腦痺生全U 父不失望：盡力就好 撐女兒咖啡師夢 「她力所能及都支持」

【明報專訊】不少家長望子成材，生怕兒女在學業競賽路上落後他人。但李諾晞的爸爸，對患腦麻痺的女兒在中學文憑試中應考的科目全數「不予評級」（U）... 詳情

牀作書桌 基層生獲英名校取錄

【明報專訊】狹小家居中，吳俊熙在下格牀尾放一盞枱燈，以牀為桌，坐在小櫈溫習。母親早出晚歸打兩份工維持生計，家中沒餘錢給他補習，他努力克服弱項... 詳情

邊緣分數者即報自資 「多一保障」

【明報專訊】中學文憑試昨早放榜後，部分成績未理想的考生隨即到自資院校報名。有考生原先有信心可讀八大聯招課程，但最終取得最佳5科18分的邊緣分... 詳情