人力拖電纜行山路 駁通隱世客家村
[2019.05.29] 發表
【明報專訊】電力係現代人生活不可或缺一環，但原來喺沙頭角禁區附近嘅荔枝窩入面，有兩條客家村落梅子林村同蛤塘村一度無電力供應；噚日兩條村終於重新接駁咗供電網絡，希望吸引村民回歸，推動可持續發展，傳承文化。
今次除咗鋪設約5公里嘅地底電纜，村內亦裝咗最新嘅智能電表，令中電清楚掌握供電情况，村民都可以了解自己嘅用電模式，慳吓電咁話。
退休後出任香港鄉郊基金主席嘅天文台前台長林超英，噚日同環境局長黃錦星都冒住「黃雨」出席喺荔枝窩嘅供電典禮。中電輸電及供電業務部高級總監張寶中話，呢兩條村位置偏遠，由水路到達荔枝窩碼頭後，仲要徒步約三四十分鐘山路先到達，所以工程人員只可以用人力拖電纜入村，最遠行咗兩公里山路，部分供電設備甚至要用直升機運送𠻹！
更多港聞
【明報專訊】藝人陳偉霆一段以英文獨白嘅名牌宣傳片引起熱論，實政圓桌立法會議員田北辰、政府「清潔龍阿德」facebook專頁都緊貼潮流，製作短...
詳情
教聯調查：42%幼師有意轉行 逾半稱免費幼教下工作量大增
【明報專訊】新的「幼稚園教育計劃」（亦稱免費優質幼稚園教育計劃）2017/18學年起推行，有教育團體近日訪問逾1200名幼師，發現逾半數幼師... 詳情
相關新聞
