每年春分之後、首個滿月後嘅首個星期日，係乜嘢日子？
[2019.04.20] 發表
【明報專訊】唔知大家有無發現，每年復活節日期都唔一樣？天文台同Emily解釋，教會喺公元325年訂明，復活節係每年春分之後、首個滿月後嘅第一個星期日。由於每年春分，即係太陽直射赤道、南北半球日夜長度相同嘅日子都唔同，所以復活節日期都年年唔同，而今年嘅復活節就喺4月21日。
天文台解釋復活節日期不同之謎
今年復活節假期噚日開始，由黃色暴雨警告揭開序幕。其實復活節落暴雨非首次。翻查天文台資料，歷年復活節最高雨量係2000年4月23日嘅172.5毫米，天文台話當日香港受低壓槽影響，天氣不穩，有暴雨及雷暴，更一度發出黃色、紅色同黑色暴雨警告，係有暴雨警告信號系統以嚟，唯一一次喺復活節當日發出暴雨警告。
天文台仲同Emily分享一則小知識，原來美國人會用「Pink Moon」(粉紅月亮)形容春分後第一次滿月，但大家唔好誤會，「Pink Moon」唔係話月亮變成粉紅色，只係當地人見到每年4月都有粉紅花開，所以咁樣稱呼滿月。
更多港聞
【明報專訊】港大醫學院前院長、內科學系榮休教授楊紫芝醉心醫學，原來連家傳之寶都與此有關，竟然係一副骷髏模型。
哥哥傳畀佢 佢傳畀子侄
...
詳情
【明報專訊】1億元六合彩今晚9點半攪珠，若10元一注中頭獎，幸運兒可捧走1億元彩金，截至噚晚8點45分，投注額已達109,054,355元。...
詳情
相關新聞
