大南補選 泛民李國權率先報名

民主派早前協調由「社區前進」李國權（後排左三）出戰大南區會補選，佢噚日早上�鬗@眾民主派陪同下，到旺角政府合署報名。（邱榕瀅攝）

【明報專訊】油尖旺大南區因為原任區議員、經民聯莊永燦早前逝世，下月24日舉行補選；民主派「社區前進」李國權噚日報名參選，估計會對撼莊永燦徒弟、經民聯李思敏，李思敏今日亦會報名。

經民聯李思敏今日報名

補選提名期噚日開始，李國權帶埋74個提名率先去旺角政府合署報名，話明會簽確認書。佢話有唔少街坊向佢表達支持，但勝算方面仍然有保留，對手�嚙嬼|策略、資源差距都係隱憂。

唔少民主派噚日到場站台，包括社福界立法會議員邵家臻、遭DQ立法會議員資格�嚗B小麗、民協何啟明等。邵家臻形容，長者綜援議題上，李國權係佢「老師」，兩年前立法會選舉都有就上述議題請教佢。

2015年區選，大南區有民主黨馮文韜、青年新政趙旭光「撞區」，最終輸畀莊永燦。噚日李國權報名期間，民主黨得民主動力召集人趙家賢到場；李國權話早前都有拜會馮文韜，對方分享�鱄齯秺_貴經驗，強調一直與民主黨有溝通，佢都有邀請其他民主黨成員，但因對方同其他活動撞期，所以無法出席。