九巴太陽能巴士站柱啟用 無光會着燈
[2019.01.12] 發表
【明報專訊】Emily通常好夜先收工，有時要搭啲唔係經常搭嘅巴士線，想望下巴士站柱上嘅巴士路線資料，都要開住手機燈先睇到。九巴噚日啟用咗首支「太陽能巴士站柱」，喺站柱嘅巴士路線資料上方安裝咗燈膽，顧名思義，燈膽係用太陽能供電，透過自動感應，會因應天色變暗而着燈，等乘客喺夜晚都可以清楚睇到路線資料，咁就唔使用手機打燈喇！
首支「太陽能巴士站柱」位於油麻地窩打老道青年會巴士站，Emily聽講，九巴之後會陸續喺唔同地方設置更多呢類站柱，而鄉郊較暗嘅地方會優先裝，長遠希望所有巴士站柱都會有太陽能燈膽。除咗路線資料，如果需要知道巴士幾時到站等資訊，可以掃描站柱上嘅QR Code，就可以更好咁預留時間。
更多港聞
相關新聞
