正副主席無房用 黃遠輝：好貼地
[2019.01.02] 發表
【明報專訊】土地供應專責小組喺除夕向政府交報告，主席黃遠輝同副主席黃澤恩分別62歲同70幾歲，喺政府總部西翼大堂企足80分鐘見記者，記者則坐喺地上睇報告兼提問。黃遠輝噚日上商台《在晴朗的一天出發》再解畫，話上年4月底小組宣布公眾諮詢時用嗰間演講廳，咁啱裝修緊，所以「無合適嘅房裝到大家」。佢話有個講法係如果佢哋坐晒喺度，傳媒做直播，畫面又未必咁好睇，不過佢無講呢個講法係邊個講。
黃遠輝仲話，由2017年9月開始，小組好多時開完會、見傳媒，佢都企喺度答問題答成45分鐘。不過，今次出報告都唔安排間房，淨係企喺大堂見傳媒，覺唔覺得政府唔重視小組呢？黃遠輝話無呢個感覺，形容今次無咩儀式、好平實，「大家非常『貼地』，我哋又講緊土地」。
更多港聞
【明報專訊】學友社噚日公布「全港中學生十大新聞選舉」結果，逾7.5萬個中學生選出2018年十大新聞，超強颱風山竹襲港得票率約73.7%，拋離...
詳情
相關新聞
