任何仁警隊推出合拍片
[2019.01.01] 發表
【明報專訊】噚日大除夕，大批市民外出倒數，迎接新嘅一年。不過街上人頭湧湧，易生意外，警隊同消防處就喺facebook上載跨部門合作拍攝嘅短片，提醒大家倒數時要注意嘅安全小貼士，其中消防宣傳角色「任何仁」更有份客串，驚喜亮相！
提醒倒數安全小貼士
片中男主角阿強同女友Joey、世伯、伯母一齊飲茶，阿強同女友打算一齊去倒數，誰不知世伯、伯母就立即化身成為阿sir同madam，即場考核阿強，要佢「過三關」，睇吓阿強喺除夕夜如果遇到意外，可唔可以臨危不亂、保護到Joey。
好彩阿強事前得到任何仁嘅幫助，順利過關，包括：見到火種要「識滅火」、受傷時要「識自救」，同埋見到人發生衝突時，識得點樣處理；萬一有需要報警時，就要講清楚事發地點，同埋有冇人受傷等。
更多港聞
【明報專訊】政府2018年初成立的士服務質素委員會，話要提升的士服務質素。委員會去年11月起到噚日，共推出5條短片，教的士司機點同乘客溝通、...
詳情
相關新聞
