fb假慢必專頁：要送異性戀入獄
[2018.12.18] 發表
【明報專訊】立法會上個月就同志締結伴侶關係辯論，事隔近一個月，提出議案嘅人民力量議員陳志全(慢必)噚日就喺facebook大罵，話「反同者」為散播恐同言論，揑造荒謬、無稽之說。事緣慢必發現有人出假帖文，冒認佢訛稱將來「香港獨立」，會將同性婚姻定為合法，異性婚姻定為非法，將一男一女嘅戀愛同婚姻全部送入監獄。
根據慢必上載嘅截圖，原文由一個叫「陳志全議員(慢必)專頁」發帖，內文就話同性戀婚姻係大勢所趨、世界潮流，而異性婚姻係代表落後、封建同愚昧。「香港培青社」之後就分享嗰則帖文，大罵如果係咁，慢必父母嘅婚姻都非法，仲非法生咗慢必呢個不肖子。
慢必噚日就喺真專頁話，估唔到有人信以為真，仲喺多個通訊群組廣傳。Emily噚日瀏覽香港培青社專頁，已唔見個帖文。
更多港聞
【明報專訊】本港第一間兒科專科醫院、喺啟德發展區嘅香港兒童醫院今日（18日）分階段啟用，率先提供服務嘅有腫瘤科、腎科，瑪嘉烈醫院、瑪麗醫院與...
詳情
【明報專訊】小三全港性系統評估（TSA）明年6月中考筆試，教育局每校抽10%小三生應考，同時允許小學選擇全級考，而今年（2018年）有四成公...
詳情
相關新聞
