特殊生立會演奏聖誕歌
[2018.12.15] 發表
【明報專訊】仲有10日先到聖誕節，但立法會噚日已洋溢聖誕氣氛，因為一班來自特殊學校「天保民學校」嘅小朋友，帶埋樂器去立法會演奏樂曲，唔同黨派議員都一齊參加呢個聖誕派對，對學生演出讚不絕口。學校主要取錄輕度同中度智障嘅學生，但無礙佢哋嘅表現才華，根據立法會提供嘅資料，學校曾獲今年香港學校音樂節「輕度智障—樂器小組」及「輕度智障—合唱」甲等(榮譽獎)。學生演奏《頌讚全能上帝》、《聖誕樹，聖誕夜》等悠揚樂曲，彈奏完時議員們都拍晒手掌，仲一齊合照。
更多港聞
相關新聞
