聖誕團南極南美遊 盛惠30萬
[2018.11.28] 發表
【明報專訊】香港人鍾意去旅行，唔少人把握聖誕檔期飛番轉。旅遊業議會話，除咗日韓溫泉、滑雪團之外，今年有個12月初出發嘅25天南極、南美旅行團，團費盛惠299,998元，安排咗包機畀團友往返，兼坐全新南極探索郵輪，喺智利食皇帝蟹海鮮餐，證明香港人真係愈玩愈刁鑽。
旅議會：貿戰下市道放緩
Emily問過縱橫遊常務董事袁振寧，佢話近排中美貿易摩擦、股市波幅大、樓價又跌，搞到聖誕市道放緩，以往呢個時候啲團有七八成滿，今年得六七成滿，去日本嘅旅行團價位比上年平咗一成，不過大家去日本都係揀啲1萬蚊價位嘅團，可能手頭有啲緊；反而農曆新年團就有價有市，有個10萬蚊團費嘅日本鐵路團，都已經收咗半團人，唔知係咪年尾慳番?，留番嚟過「肥年」呢。
更多港聞
從清末馬褂到絕版水手服 教大校服展 16校旗袍齊集
【明報專訊】每人都有穿起校服的回憶，女生總會羨慕鄰校的水手裝、格仔裙剪裁稱身美觀；男生也會嫌棄白衫西褲不便又易髒。本港有2179間中小幼、特... 詳情
相關新聞
