文化節9月開鑼 360度投影太平清醮
[2018.08.29] 發表
【明報專訊】新一屆「香港文化節」9月至下年2月期間舉行，主題係「對話．交融」，分別有展覽、研討會、音樂、電影及不同表演。其中?「非物質文化遺產新媒體展覽」，9月至10月?香港大會堂展覽廳展出，透過多種新媒體技術，展示明代到晚清時期，中國東南沿岸居民抵抗天災人禍嘅方法等。市民唔止睇到武術動畫拳譜、水幕投影客家舞麒麟，展覽仲會有360度投影林村太平清醮，令人感覺如置身現場。
文化節首次同香港鼓樂節聯辦第16屆香港活力鼓令24式擂台賽，會引入獅鼓嘅組別，並參與香港中樂團嘅《港鼓飆聲》演出。電影方面，由11月至12月喺太空館演講廳，除咗可以睇港產戲，仲會探討香港精神點樣影響荷李活電影製作。另外，10月喺文化中心露天廣場仲有非物質文化遺產市集同戶外演奏會𠻹。
更多港聞
相關新聞
