紀律部隊少數族裔計劃 擬每年辦兩次
[2018.08.27] 發表
【明報專訊】為咗畀本地少數族裔青年了解紀律部隊工作，等佢哋更好融入社區，警務處上月底推出「跨紀律部隊少數族裔青少年訓練計劃」，活動三日兩夜，逾百個9至25歲嘅少數族裔青年參加。警務處話，訓練計劃會恆常化，每年7月同12月舉行，仲會增加參觀活動，畀參加者了解唔同紀律部隊嘅工種。
訓練計劃由多個紀律部隊合作，喺八鄉少年警訊中心舉行，活動包括體能訓練、急救教學同參觀紀律部隊訓練設施等，警務處喺膳食同指導語言都有特別安排，照顧參加者需要，例如會為穆斯林提供清真食品，整個訓練營會用英語，十分體貼。訓練營設交流環節，參加者可透過同紀律部隊人員交流，了解投考要求，計劃職業路向，有參加者形容分享環節有用，亦知道?少數族裔同樣可加入紀律部隊，服務香港。
更多港聞
相關新聞
