增籌款透明度 網查賣旗帳目要等下年
[2018.08.03] 發表
【明報專訊】政府想提高慈善籌款活動嘅透明度，前日推出新措施，喺網站上載慈善獎券籌款活動嘅審計帳目，Emily率先試用，點知搵極都係無搜尋結果(圖)，問社署先知，原來家陣未有帳目睇住嘅，如果想喺嗰個網站睇到賣旗日嘅帳目，最快要等到下年先有喇。
政府一站通嘅「慈善籌款活動經審計的帳目」頁面寫明，喺今年4月1號或之後，向社署提交嘅賣旗日申請，要喺舉行賣旗日起計90日內提交經審計帳目，帳目之後會上載至專頁。Emily就嘗試搵吓4月舉行咗嘅賣旗活動，睇?相關機構嘅帳目，但搵?搵去都係「沒有搜尋結果」。
社署就同Emily解釋，原來今年4月1號後嘅申請，都係申請喺下年4月至2020年3月期間舉辦嘅賣旗日，換言之，要睇到呢啲帳目，可能要等成年先有呀。不過呢，喺今個月起分別向社署和民政事務總署提交嘅其他籌款活動同獎券活動申請，可能就有望快啲睇到帳目。咁Emily就唔明喇，既然咁耐先有資料上載，點解咁急推出？
更多港聞
相關新聞
