劉佩瓊:劉曉波寫?一塌糊塗
【明報專訊】前港區人大代表劉佩瓊噚日喺書展出席新書分享會,畀與會者問到應該點讀中國歷史,佢突然批評已故諾貝爾和平獎得主、《零八憲章》發起人劉曉波對國家歷史冇基礎知識:「劉曉波寫嘅嘢一塌糊塗,又要聯邦制、一人一票選舉,14億人點樣一人一票選到一個人出來呢?冇可能。」
批冇知識 攞和平獎「太荒謬」
劉珮瓊又用中史做例子,話自秦始皇以來,已經攞到春秋戰國嘅教訓,國家一定要統一,而中國各地貧富不均,如果國家唔理,有錢地方繼續有錢,窮嘅地方繼續窮,聯邦制會出現戰爭禍害,冇可能和平。
劉佩瓊話,𠵱家國家財政由中央集權管理,建高鐵都係國家出錢,有咗交通基建,解決地方發展不均嘅問題,「8級地震復元都好過美國,就因為有好嘅政府制度」。
佢最後再批評劉曉波「讀少少美國嘢、西方嘢,就照抄話中國要咁做,仲要國際人士逼中國咁做,乜嘢叫愛國呀?冇基礎知識,然後指?指?,就攞諾貝爾和平獎,真係太荒謬」。佢又話,讀歷史就知點解國家領導人提出「四個自信」,國家將來發展,要回顧歷史得失,要取捨同改善先令到國家同人民享受到和平、富強。