上堂7個鐘 容海恩學聽聲辨漏水
[2018.06.23] 發表
【明報專訊】新民黨立法會議員容海恩(Eunice，圖)本身有大律師資格，最近佢又攞多咗張沙紙，不過就同法律完全無關，而係由香港管綫專業學會及國際管綫專業學會認證嘅「檢測滲水基本證書課程」。
點解佢無啦啦報讀？Eunice話好多市民搵佢處理家居漏水、滲水嘅問題，所以佢就想學?相關知識，睇?點樣解決滲水，同時可以睇吓屋宇署做檢驗嗰陣夠唔夠認真。
Eunice話呢個課程係上一日足7個鐘就搞掂，上晝學理論，下晝就去實習，聽吓水喉有冇漏水，之後仲即刻要考試。
上完堂嘅佢同Emily講解，水管有漏水嘅話，聽落去係會有沙石夾雜咁嘅聲，無漏水嘅話啲聲就實啲。Eunice話呢個課程只係基礎認識，透過目測、耳聽、探測機等搵漏水源頭，又會教埋有咩儀器可以用，點樣睇啲讀數，佢未來如果就到時間嘅話，可能會上多個進階課程。
更多港聞
相關新聞
