全委會係咪另一個會議？ 慢必一個問題 梁君彥答唔到
[2018.06.14] 發表
【明報專訊】一條法例草案要正式成為法律，須通過立法會首讀、二讀、全體委員會同三讀階段，建制派早前以「全體委員會」只係一個委員會、有異於立法會大會為由，修改《議事規則》降低法定人數，咁究竟同一日嘅立法會會議上，全體委員會係咪另一個會議呢？呢個問題，即使主席梁君彥(圖)亦無法立即回答，只係叫議員唔滿意就搵佢傾。
問被趕5人可否重返會議廳
建制派早前以二讀係大會、但「全體委員會」係委員會為由，降低全委會法定在席人數，只需20人在席(大會為35人)，變相削去泛民「拉布」工具；而議事規則亦訂明，議員被逐離場，不得繼續參與該次會議。話說梁君彥噚日喺高鐵一地兩檢草案二讀時，將5名泛民趕離會議廳，人民力量陳志全(慢必)其後喺全委會階段提出，既然兩個會唔同，咁5人係咪可以重返會議廳呢？雖然噚日梁君彥比較勞氣，喺會上公民黨譚文豪提規程問題時更表明唔使解釋佢嘅裁決，但主席聽到陳志全提呢個問題時就非常平和，未有打斷佢，指按以往慣例，被逐5人呢兩日都唔可以再出席會議。
「你嚟我度解釋你聽」
陳志全反駁，梁君彥二讀階段趕議員離場時，係以大會主席身分做決定，但喺全委會階段，梁君彥就係全委會主席。梁君彥聽到慢必嘅論點後，似乎有啲語塞，好平和咁話自己已經解釋咗，若陳唔滿意，「一陣你嚟我度，我會解釋你聽」。陳志全最後無應邀入房同主席私聊，話梁君彥有咩講，應該透過書面解釋。
更多港聞
世盃睇幾場 海恩捧德國 尹兆堅愛「一線尾」英格蘭
【明報專訊】四年一度嘅世界盃香港時間今晚開鑼，32隊國家隊將喺俄羅斯競逐呢項球壇最高殊榮。唔少議員都係球迷，新民黨議員容海恩（Eunice）... 詳情
【明報專訊】目前香港嘅工程界同建測界嘅專業人士，如果想北上發展，參與內地嘅工程項目會有好多限制，例如只可以參加有外國投資嘅項目，或者參與中外...
詳情
港生赴台讀大學 兩年升14% 逾8000人在台 有人稱為逃避「中國控制」
【明報專訊】台灣近年積極招攬香港學生入讀當地大學，2017/18學年共有8325名港生在台讀書，較前年升逾一成。赴台學生各有不同原因或目標，... 詳情相關新聞
