公布賭波民調 民記曬住開記招
[2018.06.12] 發表
【明報專訊】世界盃周四開鑼，民建聯噚日公布一個關於世界盃賭波嘅民調，唔知係咪為咗更有氣氛，烈日當空下民記選擇喺跑馬地一個足球場開記者會，出席議員曬到面都紅晒。民記話調查發現有超過三成受訪者打算喺今屆世盃投注，一成市民計劃投注逾5000元。民建聯希望「平和基金」可以加強宣傳反賭波信息，並加強推動一啲預防及緩減同賭博有關問題嘅措施，希望大家「愛踢波，唔賭波」。
三成人擬今屆世盃投注
民建聯家庭事務委員會4月25至5月25號期間以問卷調查方式訪問咗1635名市民，結果發現，34%受訪者曾經賭波；喺有賭波經驗嘅人當中，三成人喺21歲前已經開始賭波。該黨要求政府提高合法賭博年齡到21歲，遏止賭博年輕化，同時建議馬會喺投注站或網頁當眼處寫上具阻嚇嘅警告字句等。
更多港聞
【明報專訊】中區警署建築群活化計劃「大館」5月底開放畀公眾後，唔少人都去參觀，但要先上網預約。大館噚日公布，由於反應熱烈，大館將會有新安排，...
詳情
【明報專訊】學生自殺新聞近年不絕於耳，不少學生亦因自我肯定程度低，情緒受困擾。香港中文大學社會科學院與慈善團體合作，在中小學推廣正向教育並研...
詳情
相關新聞
