「要威就要戴頭盔」 羅致光提工友戴帽

勞福局長羅致光呼籲裝修同維修行業嘅工友開工時一定要用配有帽帶嘅安全帽，仲戴埋頭盔企喺鐵梯上，示範咩叫「要威就一定要戴頭盔」。（羅致光網誌圖片）

【明報專訊】「又要威又要戴頭盔」通常用嚟揶揄人，不過勞福局長羅致光就「反其道而行」，認為「要威就一定要戴頭盔」。羅致光講緊嘅唔係啲人炫耀完又要補底嗰種，而係真嘅頭盔，佢喺網誌話，過去幾年裝修同維修行業發生多宗致命工業意外，提醒工友開工時一定要用配有帽帶嘅安全帽，減低頭部受創傷風險，仲親自戴埋頭盔企喺鐵梯上示範。

羅致光引述勞工處工傷統計，指喺2013至2017年，裝修同維修行業共發生35宗致命工業意外，當中約七成(24宗)屬於「人體從高處墮下」，包括喺工作期間從梯子跌下，令頭部受到嚴重撞擊，「情况實在令人擔憂」。

羅致光認為，要減低呢類工作風險，要採用輕便工作台同佩戴安全帽。佢話勞工處聯同職業安全健康局喺1月31日推出「物業管理公司——推廣輕便工作台」合作先導計劃，物業管理公司免費提供梯台同功夫櫈(輕便工作台)，畀屋苑內承建商及工友借用。佢強調，「人命安全是不能開玩笑的」，提醒工友開工前記得問物管公司有無提供工作台，「安全第一命長久」。

更多港聞

東區龍舟賽 大龍冠軍三連勝

【明報專訊】下周一端午節，柴灣漁民娛樂會噚日喺柴灣卸貨區碼頭舉行年度東區龍舟競渡大賽，共有50場賽事，超過70支隊伍喺烈日當空下參賽，特首林... 詳情

看準子愛學自己 贈相似戰車引興趣 教單車練社交 慈父為自閉兒破風

【明報專訊】「如孩兒能伏於爸爸的肩膊，誰要下車……」儘管李氏父子不像《單車》一曲中的主角，騎在同一輛單車上，但爸爸李家威以單車構築起的溝通媒... 詳情

死亡邊緣記掛無人陪子踏車

【明報專訊】患自閉症的李泓樂，因害怕陌生環境，離港旅行儼如懲罰。爸爸李家威為鼓勵兒子走出舒適區，去年5月連人帶車到台灣展開單車之旅。惟返港數... 詳情

主流校自閉生 5年升75%

【明報專訊】教育局現將自閉症納入特殊教育需要九大類別之一，自閉症兒童一般在早期發展階段，出現社交溝通障礙及重複行為，大部分人需要清晰指示才可... 詳情