張華峰66歲牛一願望﹕港交所升至388元
[2018.05.03] 發表
【明報專訊】經民聯金融服務界立法會議員張華峰(肥老闆)噚日66歲牛一，一眾黨友同佢慶祝生日。肥老闆話生日願望係希望身體健康、事事順利，更重要嘅係港交所(388)可以日日升，升到388元高位。
經民聯林健鋒、盧偉國、劉業強同梁君彥噚日特別抽時間喺立法會幫肥老闆慶祝生日同切蛋糕，盧偉國仲帶領大家唱生日歌，不過，經民聯女將梁美芬就無現身。林健鋒解釋話美芬有事出咗去嚟唔到，叫大家唔好誤會經民聯重男輕女。
肥老闆有唔少生日願望，希望身體健康、事事順利，仲要快高長大！但佢話更重要係股票大升，特別係388(港交所)可以升到去目標價位388元 ；睇番港交所，噚日就收報259.2元。肥老闆話，開會後就同老婆仔女慶祝生日，仲話峰嫂日日都送好多禮物畀佢。
更多港聞
【明報專訊】通識教育科成為高中必修科後爭議不斷，政府成立的學校課程檢討專責小組討論通識科發展方向，有報道指檢討方向包括「只修不考」，或文憑試...
詳情
【明報專訊】通識科自2009年成為高中必修科，一直以來被不同政黨和組織批評，甚至有意見指要取消通識科為必修科，立法會前主席范徐麗泰更曾指部分...
詳情
相關新聞
