贈王志民水墨畫 范國威搞「題字諮詢」
[2018.04.21] 發表
【明報專訊】立法會會喺下星期一(23日)宴請中聯辦主任王志民，新民主同盟議員范國威講明會出席，噚日講明計劃送水墨畫畀王志民，呼籲網民集思廣益諗吓有咩字句，可以題上去「贈興」。
范國威喺佢嘅fb專頁話，贈畫原因係不滿中聯辦無視一國兩制，干預香港內部事務，又唔滿意王志民經常發表「中環西環行埋一齊」之類嘅爭議言論。
范國威嘅水墨畫有3個人物，包括已故中共領導人鄧小平、特首林鄭月娥同埋王志民。當中林太同王志民更加係喺鄧小平巨大背影之前，兩者比例差距頗大。范國威話呢個構圖代表王志民啲言行違背當年鄧小平對香港人嘅承諾。
范國威最後又列出佢友人嘅題字建議，好似「昨天講一套，今天做一套」、「昔諾港人自治，今竟背信棄義」、「中環西環行埋，老鄧兩制係邊」等，言辭十分犀利。屆時王志民要拆彈嘅話，恐怕都要多花少少工夫喇。
更多港聞
【明報專訊】𠵱家好多嘢都電子化，書籍都唔例外，香港出版學會連續第三年做「香港全民閱讀調查」，就發現有三成人過去一年無睇過實體書。
香...
詳情
相關新聞
