商經局：毋須改現有郵筒英殖徽號
[2018.04.20] 發表
【明報專訊】Emily記得本報兩年幾前報道過，香港郵政話舊郵筒展示皇冠標記或者唔同年代嘅英國王室徽號「並不合宜」，所以決定要遮住標記或徽號，又會喺庫存揀唔同款嘅舊郵筒，擺喺歷史建築物內，作為郵政文物畀市民睇，結果惹嚟「去殖化」爭議。至今呢啲措施一直未有時間表，最近商經局書面覆咗立法會議員毛孟靜，話就保育舊郵筒收到唔同持份者意見，研究並充分考慮後，認為毋須更改現有舊郵筒嘅標記或徽號。
長春社嘅facebook設立嘅「香港舊郵筒」專頁噚日公布咗呢個消息，話證明當年大家嘅努力冇白費，希望政府汲取教訓，唔好有意無意又消滅香港僅餘嘅歷史文物喇，其實僅存嘅59個舊郵筒好有歷史價值，所以唔好「強迫佢哋退役」，如果有損毁，政府應該主動修復。
更多港聞
【明報專訊】本港土地問題嚴峻，連先人都受波及。據食環署就財政預算案開支答覆，本港上年骨灰龕位累計輪候申請總數已逾2.9萬宗，平均輪候46個月...
詳情
【明報專訊】教育局今學年（2017/18年）推出免費優質幼稚園教育（免費幼教），並向錄取8名或以上非華語學童的幼稚園提供額外資助，協助學生學...
詳情
相關新聞
