邵家臻話「打不死」 顧問姚松炎 為長者設施獻計

姚松炎（左）噚日以邵家臻議員辦事處顧問身分，同社福界議員邵家臻（中）落區，睇長者中心缺乏無障礙設施嘅問題，並即場提供專業意見。（蘇智鑫攝）

【明報專訊】無緣重返立法會嘅姚松炎，噚日以邵家臻議員辦事處顧問身分，同社福界立法會議員邵家臻一齊落區，去睇長者中心缺乏無障礙設施嘅問題，佢繼續運用建築測量師嘅專業知識，為各個增設無障礙通道嘅方案提出建議。阿臻形容姚松炎「打不死」，指姚謝票工作未完，就已經落區幫手。

倡商場升降機擴建

邵家臻今年初已經提出位於黃大仙下邨龍光樓平台嘅聖公會黃大仙長者綜合服務中心，喺1980年代成立以來，一直缺乏無障礙設施，令到過千名長者會員出入中心時都唔方便，阿臻噚日就同姚松炎及房署官員實地視察。

除咗長者綜合服務中心，仲有另外兩間社福機構位處龍光樓，3間服務機構嘅負責人向阿臻提到，由於該處無電梯或其他可以直達3間社福機構嘅無障礙設施，令到長者、青年及運送物資嘅職員，要另外用黃大仙中心南館嘅樓梯，或龍光樓內嘅升降機，對長者同龍光樓居民都造成不便。

姚松炎觀察後，覺得可以將喺黃大仙中心商場內連接地下至2樓嘅升降機，擴建至平台3樓，話係可取嘅改建方案。不過佢哋嘅建議需要得到領展喺業權上同意，所以阿臻同姚松炎會繼續同領展討論，以便盡快增建無障礙設施。

更多港聞

林鄭未理抗議 泛民勞工政團燒信表不滿

【明報專訊】勞工界噚日喺北角一間酒樓舉行酒會，特首林鄭月娥、勞工及福利局長羅致光等都有出席，而泛民關注勞工權益嘅政團則喺場外向林太抗議，職工... 詳情

議員考察大灣區 10泛民報名

【明報專訊】立法會4個事務委員會下月20至22日北上考察大灣區，負責統籌考察團嘅經民聯林健鋒（Jeffrey）噚日透露，暫時已經有30個議員... 詳情

民主思路一行32人 湯家驊訪京﹕唔會主動講補選

【明報專訊】前年舉辦過訪京團嘅民主思路，今年再度訪京，聽日起一連五日到訪不同中央部委同大學院校，其中星期四（22日）會見基本法委員會，星期六... 詳情

新意網總裁任景信任數碼港CEO

【明報專訊】數碼港宣布，委任新意網集團行政總裁任景信（圖），接替3月底離任嘅林向陽做新任行政總裁。數碼港聲明話，上月公布嘅財政預算案，政府建... 詳情

評判台上改賽果稱講錯 合唱賽逆轉敗九華上訴

【明報專訊】歷史悠久的學校音樂節發生爭議事件。第70屆學校音樂節於2月開始舉行不同賽事，其中中學合唱隊男子第一組別高級組有評判被指在台上宣布... 詳情