【明報專訊】一年一度由康文署喺維園搞嘅花卉展覽又到喇！由今日開始，市民就可以欣賞到唔同品種嘅花海，有成40萬棵！今年花展主題係「心花放」，而主題花係「大麗花」，花展可以欣賞到唔同地方出產嘅大麗花，例如單瓣型、裝飾型、圓球型、繡球型同仙人掌型等，單係大麗花就有4萬棵咁多！ 展示紅菜頭無花果食用植物 一如以往，參展花會整成唔同圖案，又有立體花牆，例如有由1.4萬棵鬱金香鋪成花瓣圖案，仲有一個花壇位係以「節日巡遊」為主題，有唔同嘅動物造型，非常可愛！大家到時可以盡情「打卡」喇。今年仲有少少特別，康文署見市民對食用植物興趣增加，專登展示紅菜頭同無花果等常見食用植物，不過只係畀大家睇，記得眼看手勿動！ 由今日至25號，市民可以入場睇花，入場全費係14蚊，優惠票7蚊，到時市民仲可以用手機電子錢包買電子門票𠻹！
|
| |
| |
;){kind=small}
;){kind=small}
;)
