【明報專訊】「先生/小姐你今日要去邊呀？」、「有客到！」大家估吓Emily去咗邊？唔使緊張，只係去咗高等法院。事緣高院兩個禮拜前開始實行保安檢查，為咗配合，於是將法庭內所有𨋢「復古」，改為人手揸𨋢，結果保安律師怨聲四起。
Emily日前試搭過呢個復古人手揸𨋢，只見保安既要問搭𨋢者去邊，又要聽住對講機指示「有人上、有人落」，不時會撳漏掣「飛𨋢」。Emily就聽講，不少律師都對措施有微言，有律師曾一入𨋢就投訴「stupid、stupid system(愚蠢、愚蠢嘅系統)」；而保安私底下亦都投訴長期撳𨋢撳到手指痛。
人手揸𨋢至重新設計完成
據了解，司法機構正搵人重新設計系統，但仍未成功前仍要繼續人手揸𨋢。司法機構發言人同Emily講，整個措施開支數字仍在計算中；佢之前話過，要將保安檢查擴展至所有法庭，Emily贊成應該加強保安，但似乎先完善配套措施，然後去推行會比較好。
;)
