【明報專訊】內地手機付款愈來愈流行，香港未見普及。中大香港亞太研究所公布一項有關香港人使用「手機錢包」支付日常開支嘅電話調查，發現約六成受訪者完全無用過「手機錢包」。調查於今年1月19日至24日做，訪問咗731個18歲或以上市民，結果發現，習慣使用現金多啲嘅市民有36.5％，習慣用非現金多啲嘅市民有25.6％，餘下36.8％受訪市民無特別偏好。 當中近四成人不願試用 無用過「手機錢包」嘅六成受訪者之中，前3個最多人提及嘅原因包括「手機錢包」有個人私隱外泄風險/沒有信心/不安全」(33.6%)、「不知道怎樣使用」(32.9%)同「習慣使用現金、信用卡或八達通消費」(23%)；當進一步問是否願意嘗試喺香港使用「手機錢包」時，近四成人話「不願意」，明確表示「願意」嘅有約三成人。 至於用過「手機錢包」嘅四成受訪者之中，以30歲以下年齡組別最多人用過，佔該組別65.2％；31至50歲組別中，只有54.9％受訪者用過「手機錢包」；51歲或以上組別中僅12.4%人用過。
|
| |
| |
;)
