【明報專訊】近年全球興起數據共享，運用愈來愈廣泛，伸延至公共交通運輸。香港電車雖然行得比較慢，但追上潮流嘅步伐就無落後，自2016年3月開始已經向手機應用程式開放車務資訊嘅數據，噚日佢就同公共交通數據及分析公司「Moovit」宣布，市民開始可以用Moovit手機應用程式，隨時隨地查到實時電車到站嘅資訊，方便追車同計劃路線。 此外，平日市民都可以喺香港電車嘅官方網站查閱電車到站嘅資訊，亦可以透過掃描各個電車站內嘅二維碼(QR code)，或者從安裝喺新型號電車上嘅LED顯示屏中睇到呢啲資訊。 「Moovit」係一個公共交通資訊手機App，可於全球超過79個國家、1800個城市使用，用家可以查詢到交通工具即時位置，規劃埋路線。呢個App提供44種語言選擇，唔少人旅行都會用到。
|
| |
| |
;)
