低地台小巴 輪椅泊位可預訂 明投入服務 來往堅尼地城瑪麗
[2018.01.25] 發表
【明報專訊】Emily返工經常都會搭小巴，但對於輪椅人士嚟講，搭小巴就比較困難。政府之前修例，將小巴由16座加到19座，又鼓勵業界引入低地台小巴，Emily聽講全港第一架低地台小巴聽日(26號)正式投入服務，會行港島第54M號線，來往堅尼地城站同瑪麗醫院，小巴設有一個輪椅泊位，有需要嘅乘客可以喺乘搭小巴前14日內、最遲一個工作天前致電營辦商熱線(2873 6808)，預訂輪椅泊位。
將另有兩醫院線試行
運輸署發言人同Emily講，今次係低地台小巴嘅試驗計劃，之後仲有兩條醫院線會分階段試行計劃，包括威爾斯親王醫院同聖德肋撒醫院，運輸署今年底會檢討計劃嘅運作成效，如果檢討後確定試驗計劃可行可取，就會同業界商討進一步推廣低地台小巴。
更多港聞
【明報專訊】立法會補選3月舉行，喺前年換屆選舉落敗、一直盛傳會捲土重來出戰「建築、測量、都市規劃及園境界」補選嘅謝偉銓（Tony），噚日向傳...
詳情
【明報專訊】政府近年積極將本港發展為「易行」都市。運輸署早前喺觀塘海濱道同勵業街交界嘅路口，為紅綠燈安裝「視像行人偵測器」，當儀器偵測到有行...
詳情
【明報專訊】近日本港接連揭發多宗懷疑虐兒個案，勞工及福利局長羅致光昨表示，當局會檢討《處理虐待兒童個案程序指引》，並對強制舉報虐兒的機制持開...
詳情
相關新聞
