毛孟靜搶先公布初選結果
[2018.01.16] 發表
【明報專訊】民主動力原定噚日下晝3點半開記者會公布泛民立法會補選初選結果，不過香港本土立法會議員毛孟靜提早半小時搶先喺facebook公布結果，仲將6個初選參加者嘅得票、得分圖放埋上網。雖然毛姨姨旋即刪帖，但網民已經「cap圖」，唔少傳媒都多謝毛姨姨嘅帖，令大家更快知道結果。
毛姨姨噚日同多名立法會議員一齊出席民主動力嘅記者會，佢早已笑容滿臉，莫非得悉兩名戰友姚松炎及范國威有機會重返議會，所以心情特別靚？喺上屆立法會，毛姨姨同范國威喺本土議題上有緊密合作，若范國威重返議會，二人料會再合作。
另外，會計界議員梁繼昌為民主動力監票至噚日凌晨3點，真係唔話得，佢對投票系統感到好滿意。港大民意研究計劃總監鍾庭耀就話，今次有2.6萬人出嚟投票係「好唔簡單」，指初選機制值得推動，希望建制派嘅朋友都可以加入初選行列。
更多港聞
匯報工作 早議員午歌手晚球員 陳沛然唱年少無知 叫留意歌詞
【明報專訊】醫學界立法會議員陳沛然不時要返醫院診症，試過因為咁而趕唔到返立法會，要解畫道歉，陳醫生噚日喺facebook「匯報」其議員工作時... 詳情
【明報專訊】最近重出江湖、挑戰爭取連任大律師公會主席林定國嘅資深大律師戴啟思，係打司法覆核專家，佢喺1月份嘅律師會刊物撰文，就講到點解公職人...
詳情
【明報專訊】立法會政制事務委員會噚日開會，討論政府推廣《基本法》工作。泛民議員把握機會提起高鐵「一地兩檢」嘅法律爭議，話中央官員等人話一地兩...
詳情
【明報專訊】煤氣除可用作製熱煮食外，亦應用於抽濕和空調等範疇，煤氣公司與職業訓練局聯合開辦全港首個燃氣工程專業文憑課程，讓建造業等相關行業的...
詳情
相關新聞
