【明報專訊】參與泛民新界東初選嘅中大學生會前會長張秀賢，不時「狙擊」同樣有意出戰補選嘅工聯會鄧家彪，佢噚日就喺facebook用阿彪啲宣傳照改圖下戰書，叫阿彪周六喺大圍站外公開討論勞工、一地兩檢等問題。 張秀賢個post話民主派既要選出一名代表人之外，更要戰勝建制派，先可以保住議席，又同鄧家彪講「你我同樣出身於中文大學，你更加係佔中發起人陳健民教授嘅碩士論文學生，但最終你選擇了投身建制，我卻走進了社運圈子」。 之後鄧家彪喺自己fb度回覆話唔介意辯論，但更在意同市民接觸、做實事，「而唔係一封cap圖戰書」，仲呼籲對方行正道，「才可在初選爆冷取勝」。佢澄清，陳健民係佢嘅學士論文導師，又畀建議學弟，「你要為自己做新聞，其實搵另一位立法會Tommy Cheung(自由黨主席張宇人)挑機，可能更有睇頭」。
|
| |
| |
;)
