選人代似考試 有人「偷步」

當選人代嘅譚志源感謝選民支持，話所得票數遠超佢預期，噚日獲前同事打氣。左起﹕政制局前副局長陳岳鵬、譚志源、前政務官黃靜文同黎淑禎。（劉焌陶攝）

同為港區人代選民嘅立法會議員何君堯（左）同屏山鄉委會主席曾樹和（右），喺投票現場合照，老友鬼鬼。兩人月前喺一個集會上因「殺無赦」言論引起爭議。（曾憲宗攝）

港區人大代表選舉只有1989人有票，噚日唔少長者坐住輪椅都堅持去投票。（劉焌陶攝）

【明報專訊】港區人大代表選舉噚日喺灣仔會展舉行，49名候選人爭36席，港鐵站連接會展嘅天橋一早已出現唔同候選人嘅競選團隊拉票，選舉氣氛熱烈。呢幾日天氣凍，Emily見到唔少愛國愛港嘅老人家，坐住輪椅撐住拐杖都要出嚟投票。

今年有多名新人參選，部分人唔係選舉會議成員，同大多數市民一樣無份投票，所以都唔可以入投票場地，包括政制及內地事務局前局長譚志源、香港律師會理事陳曉峰等，前者以1580票當選。

3前同事助拉票 譚志源當選

譚志源成場選舉都勁積極，佢噚日喺投票前，企咗喺選民入場嘅地方同選民打招呼，仲搵埋前下屬、早前去咗外國進修嘅政制局前副局長陳岳鵬，仲有黎淑禎同黃靜文兩名前政務官幫手拉票；陳曉峰則喺另一個入口位聯同太太一齊作最後努力，不過最後以1186票排喺第37位落選。

講番場內，有選民形容好似考公開試，大家排排坐喺會展，仲獲派專用水筆及「考卷」，大家一齊做一條選擇題，喺49個名中揀出36人，因要投全票，揀多或揀少一個，張選票都會作廢。未知一眾選委係咪擔心會填錯，大會一派完選票，未嗌開始就有部分人「偷步」，搞到身為選舉會議主席團常務主席嘅林鄭月娥要化身「監考員」，提醒大家未夠鐘開始填寫選票。

更多港聞

明年起開放 西九藝術公園呈四季美

【明報專訊】西九文化區喺2018及2019年有唔少項目落成，除咗明年底開幕嘅戲曲中心，Emily留意到，西九藝術公園同M+博物館前面嘅海濱長... 詳情

早年董叫「等吓」 陳太16年來首赴台

【明報專訊】香港2020召集人陳方安生噚日舉行一年一度嘅聖誕傳媒茶敘，講開最近同家人一齊去台北旅行，話已經等咗16年先踏足台灣。陳太透露，喺... 詳情

沈祖堯憶佔中壓力大瘦10磅

【明報專訊】做咗7年中大校長、出年卸任嘅沈祖堯，喺最新一期《中大通訊》中講感受。佢話一上任就要接民主女神像呢個「燙手山芋」，不過開頭同學生關... 詳情

環署教集中回收三紙兩膠

【明報專訊】明年1月起內地逐步收緊回收物料嘅進口要求，未經分揀嘅廢紙同未提升成為原材料嘅廢塑料，都唔可以入內地。環保署噚日啟動新一輪乾淨回收... 詳情

理大研究﹕學習及利他行為有提升 幼園有心理學家 專心上課率倍高

【明報專訊】理工大學應用社會科學系今年做研究，比較兩批幼稚園的學生表現，發現8間增設教育心理學家及教育統籌員服務支援的幼稚園，其學童在半年間... 詳情