阿廸駁波哥﹕歪理講到似層層

[2017.12.13] 發表
朱凱廸(圖)拍片逐點反駁陳健波,指波哥形容民主派拉布成癮,歪理講到似層層。(facebook短片撮圖)

【明報專訊】立法會修改議事規則「戰事」今日繼續,民主派及建制派場外口水戰先展開。財委會主席陳健波早前拍片話民主派拉布成癮後,獨立議員朱凱廸噚日出短片逐點反駁,仲話波哥歪理講到似層層。

波哥話泛民拉布搞到議會內耗,根本監察唔到政府;阿廸就話建制派修改議規,目的係拎走議員權力,咁政府就可以就23條立法,議會更難監察政府。波哥話,修規則唔會削弱議員權力,反而可以幫反對派搣甩拉布癮;阿廸就舉例話,梁國雄多年來抗爭,爭取全民退保,就逼到政府提出長者生活津貼。

波哥話,以前建制派議員為咗避免變相拉布,有事都唔敢發言,改規則後就可以講嘢,令議會質素提高;阿廸就回應話「人唔笑狗都吠」,指波哥心目中最有質素嘅議會,可能係北京嘅全國人大喇。

波哥又話,建制唔係乘人之危,指如同踢波有人犯規被罰離場,場波會照踢;阿廸就讚波哥比喻其實唔錯,但問題係今次係開咗波之後,足總先重新解釋球例,DQ議員喎。

更多港聞
讚推廣《基本法》 公大頒詩姐榮譽博士
【明報專訊】公開大學噚日喺灣仔伊館舉行畢業禮,身兼校監嘅特首林鄭月娥頒授學位,其中基本法委員會副主任梁愛詩(詩姐)、行政會議召集人陳智思、證... 詳情
康署滑梯99%不逾兩米高 立會研究:公園設計單調乏味
【明報專訊】康文署管理本港635個遊樂場,但這些遊樂場近年備受批評,指其設計單調乏味。立法會秘書處昨發表香港公共遊樂場研究,除發現遊樂場設計... 詳情
科大揭引發精神病基因變異機理
【明報專訊】科大神經科學及結構生物學家張明傑領導的科研團隊,近日發現導致人類患上精神分裂與其他嚴重精神疾病的機理,原來當一種人類蛋白DISC... 詳情
【明報專訊】移民海外的華人家庭中,兒童在家庭和學校會接觸到中英雙語,中文大學研究顯示,兒童若在家中持續接收大量來自父母的語言,仍能發展出與單... 詳情
【明報專訊】踏入十二月,是期待放長假、收禮物的日子,亦是考試的季節。小時候從習字簿學寫字,重複寫寫寫像被老師罰抄;長大後讀讀讀,字海無涯,淹... 詳情

明報網站 · 版權所有 · 不得轉載
Copyright © 2017 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Toronto Chinese Newspaper

1355 Huntingwood Drive, Scarborough, Ontario, Canada M1S 3J1 | Tel.: (416) 321-0088 | Fax: (416) 321-9663 | Advertising Hotline Tel: (416) 673-8250