楊哲安山頂拉票 要著兩條褲
[2017.11.22] 發表
【明報專訊】中西區區議會山頂同東華區會周日補選，山頂區自由黨候選人楊哲安(Jeremy)噚日搞造勢大會，一眾領導層為佢站台，包括自由黨主席張宇人、榮譽主席劉健儀等。Jeremy同Emily笑稱，唔少自由黨領導都住喺山頂，例如榮譽主席田北俊咁，出出入入會留意佢有冇企街站拉票，搞到佢都有啲壓力。Jeremy話拉票工作盡量由自己做，唔會隨便擺個易拉架喺街「分身」宣傳，因為覺得個人都要現身先夠誠意。佢話，山頂好多拉票位都係斜路，所以佢𠵱家會喺西褲入面著壓力褲，等自己企得耐啲。
另一候選人、2047香港監察錢志健日前話喺山頂拉票都唔見Jeremy，Jeremy就話佢拉票嘅對象係街坊，做嘢唔係為咗畀對手睇到，加上山頂咁大，可能撞唔到啫。
更多港聞
【明報專訊】港大民意研究計劃噚日公布最新十大立法會議員排名，離開新民黨、自組實政圓桌嘅田北辰（田二少），今次一入榜就排首位，比前黨友葉劉淑儀...
詳情
相關新聞
