【明報專訊】古天樂、張智霖(Chilam)、羅蘭、關寶慧及雨僑前晚到銅鑼灣街頭出席電影《常在你左右》首映儀式，吸引大批巿民圍觀。古仔台上笑言拍攝該片有所發現，他說﹕「Chilam更加靚仔，阿Sa(蔡卓妍)更加阿Sa！」Chilam提到今次演出有難度﹕「又要增肥，戲中還做出處理屍體和結束自己生命的行為，所作所為好恐怖，我本人不會做這些事。」 被古天樂讚靚仔，張智霖(Chilam)笑說﹕「是不是講真？」古仔說﹕「之前跟Chilam拍了一套戲，他是滿面鬍鬚的，今日青靚白淨。」問古仔和Chilam覺得誰較靚仔？兩人異口同聲互笠高帽﹕「當然是他啦！」講到新片是紀念《陰陽路》系列20周年，古仔表示為監製南燕還個心願﹕「當年我未離開電視台，已開始拍《陰陽路》，連拍7集留下好多回憶，南燕講了幾年想再拍，今次在他身體情况許可下再做監製，現場好開心，他每日都買奶茶來『萬歲』，當年的感覺返晒嚟！」 張智霖古仔互讚靚仔 會否延續系列繼續拍？古仔說﹕「好現實，要睇票房。《陰陽路》好難拍，要令大家驚嚇又開心，所以呢套戲好適合帶女朋友拍拖去睇，會令感情更進一步。」有傳古仔和台灣女星郭采潔拍拖，會不會帶女方去睇？他重複4次說﹕「唔係事實嘅嘢唔回應。」問Chilam知否古仔的感情事，他也跟足同一口脗道﹕「唔係事實嘅嘢唔回應。」 雨僑瞓棺材驚到眼皮猛跳 雨僑自爆有幽閉恐懼症，但為拍戲而瞓棺材和演跳樓戲，她說﹕「瞓棺材仲要封蓋，我驚到心臟和眼皮猛跳，唯有閉氣控制情緒。」她透露即將去傳聞中的西貢結界做宣傳，她說﹕「我不信有結界，男友(羅力威)話想跟來睇，但無理由開工帶埋一家大細去，好似不專業。」 關寶慧要老肉唔要小鮮肉 關寶慧好開心能參與該片，以前演過四五集《陰陽路》而為人認識，可謂由後生拍到老，是演藝生涯重要一環，不過她籌備開拍網劇，題材圍繞女人四十和兩性關係。 關寶慧說﹕「我想拍喊戲，不要小鮮肉對手，我鍾意老肉！古天樂、張智霖幾靚仔，不過他們不是老肉！」 記者﹕鍾一虹 攝影﹕黃梓烜 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
;){kind=small}
;){kind=small}
;)
