【明報專訊】民主黨主席胡志偉(中)噚日55歲牛一，一班民主黨立法會議員喺立法會同佢慶祝生日，不過民主派噚日就為咗抗議政府調議程，不停點人數，胡志偉嘅生日「節目」除咗開會外，仲有點人數鐘聲伴隨。被問到有咩生日願望，胡志偉都一本正經地話，今年政治氣氛比較差，希望民主黨、民主派都可以做好份內事，確保監察到政府；佢又呼籲政府唔好放棄中立原則、配合建制派改議事規則喎。

胡志偉聲稱一向唔重視節慶，都係有人同佢講生日快樂，先記得自己生日，今晚完咗會，就會簡簡單單咁同太太去慶祝。