【明報專訊】廠商會今年底舉行會長選舉，會長由110名會董選出，目前正值會董選舉。今次有兩人表明有意競逐會長，分別係副會長吳宏斌同徐炳光，選情激烈程度已蔓延至會董選舉，有會董被指冒名收集選票，更搞到要報警處理，甚至交由律師處理，由法律途徑追究。

徐炳光﹕有人干預選舉公平

究竟咩事搞到咁嚴重？話說目前廠商會會董選舉，正值「新候選人」爭奪26個會董名額，目前正係投票階段。徐炳光上周就向廠商會會員發聲明，話收到會員反映，有人冒充廠商會秘書處去收選票，後來該會員親自上有關公司想拎番選票但被拒絕，最終要報警處理，而呢間公司就係廠商會副會長史立德持有，又形容史立德係對方陣營(即吳宏斌)�黈痐艀身�，徐「強烈譴責有人不斷利用不合理手段干預選舉的公平、公正」。

史立德﹕交律師處理追究

史立德及後發聲明，指對徐炳光無理指控感到非常痛心，亦無事實根據，佢話佢公司代表只係做跑腿，幫名譽會董蔡少森拎一間公司選票，而該公司係自願畀票�鵅A佢本人亦完全無參與，批評有人別有用心破壞會員間�儱P情，又話事件嚴重影響佢誠信及公司聲譽，所以已交律師處理同追究。徐炳光之後亦再發聲明，話自己講�麉Y基於事實，要求對方將事件全部公開。

從史立德同徐炳光兩名副會長聲明來往，都睇到今次選舉兩個陣營幾重視，但有廠商會中人就慨嘆，連串事件已影響廠商會聲譽，認為有咩問題可以內部解決，又何必搞到要報警呢。