梁耀忠9號波照跑步
[2017.08.24] 發表
【明報專訊】打風時仍有市民會去追風，亦唔會被天氣影響日常生活，好似照常跑步游水等，其中街工立法會議員梁耀忠噚日朝早喺9號風球下，就被傳媒「野生捕獲」佢喺尖沙嘴海旁跑步。阿忠話已經跑步十幾年，如果朝早無會開，都會風雨不改去跑，佢又話噚日跑步時「不太大風大雨」。
現年64歲嘅阿忠同Emily講，平日6點起身，7點前就會去跑步，通常會由尖沙嘴海旁跑去紅磡同西九。佢話噚日出門時都係8號風球，風唔算大但有落雨，直到喺尖沙嘴見到記者時，先知道原來已經變咗9號風球喇。
阿忠話，落雨天跑步，要著防水擋風嘅外套，為身體保暖。
阿忠參加過好多屆渣打馬拉松全馬賽事，仲會為視障人士當領跑員，係政壇中嘅長跑愛好者。
更多港聞
相關新聞
