50萬人科學館睇木乃伊
[2017.08.12] 發表
【明報專訊】6具擁有1800至3000年歷史嘅木乃伊，你睇咗未？香港科學館今年重點展覽「永生傳說——透視古埃及文明」，由6月2日開展至今受到市民歡迎，截至噚日累積入場人次已經突破50萬，平均每日有超過8000人次參觀，仲打破咗科學館專題展覽每日平均入場人次嘅紀錄！
呢個木乃伊展由6月開放以來吸引唔少市民觀看，除咗可以透過先進嘅電腦掃描技術多角度了解木乃伊，仲有一系列互動展品等大家認識多啲古埃及文化，唔怪得最高單日參觀人次可以錄得超過1.3萬啦。
康文署長李美嫦仲親自接待展覽嘅第50萬名觀眾，並送贈一套精美紀念品留念。展覽將會舉行到10月18日，有興趣市民記住喇。
更多港聞
相關新聞
