唔答政助傳聞 觀眾祝升官發財 蘇敬恆﹕放完假繼續工作
[2017.07.31] 發表
【明報專訊】人稱「蘇B」嘅香港電台《城市論壇》主持人蘇敬恆，盛傳將出任食物及衛生局政治助理，佢噚日主持本季最後一集《城市論壇》，有觀眾喺台下發問環節時恭喜佢「升官發財」，但蘇B只係回頭一笑。節目完結後，大家即把握機會關心一下蘇B嘅未來動向，不過蘇B就避答自己有咩發展，只係話城壇噚日係本季最後一集，8月會如常休息一個月，9月中新一季又會返嚟，叫大家多多支持喎。
跟節目一樣 8月放吓假
蘇B話知道大家都好關心佢嘅去向，好多謝傳媒朋友嘅關心。Emily同行家就追問，咁新一季係咪會有新主持呢？或者蘇B會唔會換個角色，以嘉賓身分出席節目呢？蘇B就只係笑笑口話「咁我一向都坐喺上面嘅」，不過要面對行家追訪，佢都話好唔習慣。
籲大家續撐《城壇》
佢無透露節目係咪會由新面孔主持，但就希望大家繼續支持港台同《城市論壇》。佢話城壇係港台重要嘅節目，做咗兩季主持都有深刻體會，自己學到好多嘢。
被問係咪已經辭職，蘇B話自己仲係港台員工，但8月都會同節目一樣放假休息一下，同家人去旅行，仲好玄咁話「放完假會繼續工作」，至於會喺添馬艦定廣播道返工，佢就賣個關子，繼續以笑容應對。
更多港聞
【明報專訊】近年有團體提倡休學年（Gap Year），即係喺中學畢業後、升讀大專前，用3個月至1年時間追求夢想或者體驗生活。香港青年協會青年...
詳情
【明報專訊】今年係香港回歸20周年，慶祝活動繼續來。由兩個本地著名設計師陳幼堅和又一山人策展嘅「好香港 好香港」創意展，8月6日起先後喺中環...
詳情
【明報專訊】學者出身嘅勞工及福利局長羅致光（CK），早前被專欄作家指佢公開話「香港的勞工政策事務過於偏重勞工」，CK噚日喺網誌解畫，指呢個評...
詳情
相關新聞
