4人失議員資格 馬逢國覆WhatsApp：真係可飲

【明報專訊】噚日高等法院頒布裁決，羅冠聰、劉小麗、梁國雄、姚松炎喪失立法會議員資格，建制派議員紛紛表示歡迎，唔知係咪有建制派議員太過興奮，噚日喺立法會財委會會議期間，有香港獨立媒體記者就影到體育、演藝、文化及出版界議員馬逢國，係咁低頭睇手機同密密咁覆信息喎。

群組覆笑樣煙花emoji

獨媒記者上載嘅兩幅照片隱約可以見到，馬逢國當時覆緊兩個WhatsApp群組，包括「香港體育界安徽訪問團」同「12屆港區全國人大代表」，兩個群組都分別有人分享4名議員被DQ嘅新聞或信息，當中喺「12屆人大」嗰個群組見到有人用笑樣、煙花嘅emoji回覆，仲有人回覆話係「大快人心」；喺「體育界」嗰個群組一樣見到有人傳送煙花等嘅emoji，當時馬逢國仲打緊信息，隱約見到係「今晚真係可飲」之類。根據獨媒報道，群組入面討論到4名議員被DQ後，之後出嚟參與補選嘅人選。

Emily噚日就打畀馬逢國想問下情形，可能馬逢國佢噚晚「真係可飲」太忙喇，到截稿都冇回覆。

更多港聞

新舊議員聚會黃宜弘單仲偕鬥劈酒

【明報專訊】立法會噚日舉行酒會，邀請前任議員返立法會，同現任議員敘舊，出席者包括前主席曾鈺成、民主黨李華明同單仲偕等前議員、前金融界議員吳亮... 詳情

1960年代「脫獨」書再版

【明報專訊】書展下星期三（19日）揭幕，出版社萬里機構公布新書書單，不過Emily發現，書單入面有啲書係1960年代已經出版，其中《101戀... 詳情