「育鯤輪」 唔使人手畫海圖 今日起開放參觀
[2017.07.01] 發表
【明報專訊】慶祝回歸20年活動多不勝數，第一艘中國自行開發設計嘅專用遠洋實習船「育鯤輪」已經停泊喺海港城海運碼頭，今日開始開放畀公眾參觀，噚日Emily就率先上船，睇到船上面有電子海圖等先進航海儀器，若果要修改海圖，更新數據就得，比人手修改紙海圖更加精準同慳時間。唔講都唔知，海圖畫低咗海域同沿岸地形，所以跟住海圖行，隻船就可以避免擱淺或者撞到海上嘅危險物。育鯤輪二副楊玉滿就話，有電子海圖可以即時確認船嘅位置，確保航行方向唔會出錯。
育鯤輪會喺今明兩日同星期二(4日)指定時間開放，市民可以喺海港城海運大廈三階買10蚊門票，就可以按時上船參加30分鐘導賞團，了解吓世界上最先進嘅專用遠洋實習船到底有幾犀利。
更多港聞
相關新聞
