CY最後答問會 司局長欠2 吳克儉訪京 楊偉雄去高峰會

噚日係特首梁振英（前）任內出席最後一次立法會答問大會，3司13局首長中，欠教育局長吳克儉及創科局長楊偉雄，一個外訪緊，一個另有活動。（馮凱鍵攝）

【明報專訊】特首梁振英(CY)噚日喺立法會出席任內最後一次答問大會，3司13局首長幾乎齊腳，但就唔見教育局長吳克儉同創科局長楊偉雄，點解呢？原來成日被人話頻繁外訪嘅吳局長咁啱又去咗外地訪問，而楊偉雄就去咗理工大學參加高峰會而出席唔到答問大會。

答問大會9點半開始，官員席上，頭排3個司長政務司長張建宗、律政司長袁國強同財政司長陳茂波排排坐，第二排就係各局長嘅座席，零零舍舍有個位空咗，Emily數數人頭，就發現少咗吳克儉同楊偉雄，而副教育局長楊潤雄署任吳克儉個位，坐咗喺局長席。

吳局長去咗邊呢？原來同8間大學高層去北京交流，前晚先喺facebook發帖，介紹佢哋一行人同北京市教育委員會劉宇輝主任會面，就高等教育交換意見。至於創新及科技局長楊偉雄就出席理大Hotel ICON舉行嘅《泰晤士高等教育》創新與影響高峰會，去唔到答問會。雖然局長唔齊人，但副局長同政治助理就好捧場，好多都嚟咗立法會旁聽CY最後一次答問大會，非常熱鬧。

更多港聞

周年晚宴未有風聲 廉署預計稍後復辦

【明報專訊】廉署舊年7月初發生執行處署任首長李寶蘭被取消署任及辭職風波，當時內部士氣之差，從七成已報名參加7月中周年晚宴嘅人員表明缺席可見，... 詳情

畀蛋撻「考起」 容海恩：牛油皮同酥皮係咪一樣？

【明報專訊】你鍾意食牛油皮定酥皮蛋撻呢？立法會議員容海恩（Eunice）就答你唔到，並反問：「牛油皮同酥皮係咪一樣？」講緊嘅係香港青少年領袖... 詳情

「八酒六四」將現身六四晚會

【明報專訊】六四事件踏入28周年，支聯會將喺周日晚舉行六四燭光晚會，Emily知道，一支名為「八酒六四」嘅六四紀念酒將會現身晚會。 舊... 詳情

國泰擱置空服員名牌加中文名

【明報專訊】空姐空少唔易做，除咗要派餐，仲要兼顧乘客安全、滿足佢哋要求，日前國泰航空發出內部通訊，要求香港、台灣空中服務員嘅名牌，由只有英文... 詳情

教大教育學士起薪2.4萬元 女生畢業5年當幼園校長

【明報專訊】香港教育大學昨公布最新就業調查數據，2016年修讀教育榮譽學士畢業生平均起薪點逾2.4萬元，較上屆升6.6%，為歷年新高；理大去... 詳情